أشــواق

ردّيـــت لـجـــل عــيـونهـا ردّيــت

كـنّي الصّقـر يـركـب هـواه يطيـر

يالـيـت جـسـمـي عـنـدهـا يالـيـت

مـثـل القـلـب والرّوح والتـّفـكـيـر

أهـل الـكـرم والجـود يـا لـكـويـت

والحـور فـيها غـيـر يعـني غـيـر

أبغـي الحنـان من زود ما حـنّيـت

والشـّوق يـملا الـواد ويـّا الـبـيـر

الآه بــعــــد الآه لــــو غــنــّيـــت

والـــود يــا مـحــلاه بـالـتـّقـطـيـر

بأجمـل لغـات الكـون كاني جـيـت

أظهـر حـروف الحـب والتّحـريـر

أكتـب شعـوري البيـت بعـد البيت

أنثـر ولـمـلـم وأشـتـعـل تـعـبـيــر

أرض الوطـن لجـلـك أنـا ضمّيـت

هي تكتمـل وآنا امتـلي تـقـصـيـر

وإن كان لازم أرمـس ب حـبـيـت

بالأجـنـبي أقـدر أقـول ( نو فير )

يبكي خـفـوقـي ولجـلهـا صـلـّيـت

لا ولأجلها ما يهمني شـو يصيـر

جـنـّيــت مـنــّك إي أنــا جــنـّيــت

قـولي غـريبة وأشتهـي التّفسـير

بنـص اللـّيالي سـمعـتـك وفـزّيـت

قـمت أنـتـفـض وأقـول عـلّه خير

مـن دمعـك الـغـالي أنا تـوضـّيـت

ومن روح روحي أرسـل التّبريـر

مـانـي بخـيـل بالعـهـد إي وفـّيـت

عــهـد الأحـبـّة مـا يـبـا تـوفــيــر

من زين صوتك فزت بالتـّصويت

ومن طيف زولك ترسميني أمـير

منك السّموحة إن كانّي أخـطـيـت

أبغي الرّجوع ما أشتهي التّغـرير

ردّيــت لـجــل عــيــونـهـا ردّيــت

سـيري معي نركـب هـوانا نطـير